Íbúar Borgarbyggðar og Skorradalshrepps samþykktu sameiningu sveitarfélaganna í íbúakosningum sem fram fóru dagana 5.-20. september 2025. Í Skorradalshreppi sögðu 32 sögðu já (59,3%) en 22 sögðu nei (40,7%). Í Borgarbyggð sögðu 417 já eða (83,2%) en 82 sögðu nei (16,4%). Kjörsókn í Skorradalshreppi var 88,5% en 16% í Borgarbyggð.
Sveitarfélögin áttu í óformlegum viðræðum frá febrúar til júlí 2024. Verkefnishópur á vegum sveitarfélaganna lagði til við sveitarstjórnirnar að ráðist yrði í formlegar viðræður og íbúum gefinn kostur á að kjósa um sameiningu. Í ágúst 2024 var ákveðið að hefja formlegar viðræður um sameiningu skv. 119. gr. Sveitarstjórnarlaga og skipuð samstarfsnefnd til að kanna möguleika á sameiningu sveitarfélaganna.
Í tengslum við viðræðurnar voru teknar saman upplýsingar um fjárhagsstöðu sveitarfélaganna, skipurit, fyrirkomulag þjónustu, samstarfsverkefni, íbúafjölda, mannfjöldaspá, álagningu og fleira (30.5.2024 – Fylgiskjal Verkefnishópur um óformlegar sameiningarviðræður forsendur). Haldnir voru íbúafundir í sveitarfélögunum tveimur til að kynna verkefnið og leita eftir sjónarmiðum íbúa. Einnig var haldin vinnustofa með lykilstarfsmönnum, kjörnum fulltrúum og nefndarfólki til að kortleggja styrkleika, veikleika, ógnanir og tækifæri í starfsemi sveitarfélaganna.
Í júní 2025 skilaði samstarfsnefnd áliti sínu til sveitarstjórna og lagði til að kosningar yrðu á tímabilinu 5. september til 20. sseptember 2025. Jafnframt lagði samstarfsnefnd til að heimild til að lækka kosningaaldurinn í 16 ár yrði nýttur. Báðar tillögur voru samþykktar.