Já, sveitarstjórnir Borgarbyggðar og Skorradalshrepps hafa tekið ákvörðun um að hefja formlegar viðræður og skipað samstarfsnefnd um sameiningu. Í því felst skuldbinding til að gefa íbúum færi á að kjósa um sameiningartillögu. Kosningarnar munu fara fram á tímabilinu 5.-20. september 2025.
Sveitarstjórnirnar hafa ákveðið að kosið verði á tímabilinu 5. september til 20. september 2025.
Þeir sem ekki komast á kjörstað geta kosið í póstkosningu eftir að kosningarnar hefjast. Hægt er að óska eftir því við kjörstjórn að fá kjörgögn send í pósti eða tölvupósti. Kjósandi þarf svo að koma atkvæði sínu ásamt fylgibréfi til kjörstjórnar fyrir lokun kjörstaða á lokadegi kosninganna.
Borgarbyggð sinnir nú þegar þjónustunni við Skorradalshrepp samkvæmt þjónustusamningi og því ekki ástæða til að ætla að breytingar verði á skipulagi starfsemi leik- og grunnskóla í kjölfar sameiningar.
Leitað hefur verið eftir sjónarmiðum íbúa á íbúafundum sem haldnir hafa verið í tengslum við sameiningarviðræður sveitarfélaganna og svör íbúa hafa verið höfð til hliðsjónar við mótun tillögu og framtíðarsýnar.
Það er ekki gert ráð fyrir að sameining leiði til uppsagnar starfsmanna.
Kosningarnar fara fram á tveggja vikna tímabili frá 5. september til 20. september 2025. Hægt verður að greiða atkvæði á tilgreindum kjörstöðum í hvoru sveitarfélagi á opnunartíma eða með því að senda atkvæði til kjörstjórnar. Kjósandi óskar þá eftir því við kjörstjórn að fá kjörgögn send til sín á það heimilisfang eða það netfang sem hann gefur upp. Heimilt er að bjóða kjósendum að greiða atkvæði á hreyfanlegum kjörstað og skal þá auglýst með fimm daga fyrirvara hvar kjörstaður er á hverjum tíma.
Ef sameiningin er samþykkt skipa sveitarstjórnir hlutaðeigandi sveitarfélaga undirbúningsstjórn sem hefur það hlutverk að undirbúa stofnun nýs sveitarfélags. Hlutverk undirbúningsstjórnar er að semja samþykkt um stjórn og fundarsköp sem gilda mun fyrir hið nýja sveitarfélag þar til því hefur verið sett sérstök samþykkt. Stjórnin tekur einnig ákvarðanir um fjárhagsmálefni hins nýja sveitarfélags, tekur saman yfirlit yfir allar samþykktir og reglugerðir sem gilda í þeim sveitarfélögum sem sameinuð hafa verið og skal hefja vinnu við endurskoðun þeirra og samræmingu.
Íslenskir, danskir, finnskir, sænskir og norskir ríkisborgarar sem náð hafa 16 ára aldri á lokadegi atkvæðagreiðslunnar og eiga skráð lögheimili í viðkomandi sveitarfélagi á hádegi 22 dögum áður en atkvæðagreiðsla hefst eiga kosningarétt í íbúakosningum um sameiningu. Hið sama gildir um aðra erlenda ríkisborgarar, sem hafa átt skráð lögheimili hér á landi í þrjú ár samfellt fyrir lokadag atkvæðagreiðslu, og eru skráðir í viðkomandi sveitarfélagi.